زهقانة منو عايزة تطفشيه عينك على حد ثانى قولى ورايا

خطيب و خطيبته بيحبو بعض اوى اوى اوى


الخطيب : بحبك



الخطيبة : وانا كمان ( داهيه تاخدك )


الخطيب : من اخر مره وانا بافكر فيكي


الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )


الخطيب : امال فين حماتي مش شايفها يعني


الخطيبة : موجوده اندهها لك ( علشان تسم بدنك )


الخطيب : اه طبعا يا حبيبتي وانا اقدر استغني


الخطيبة : ماما تعالي كلمي ( علي الله تقولك حاجه ترفع لك الضغط )


الخطيب : اهلا يا حماتي ازيك

الحماة : اهلا يا خطيب بنتي ( بلا نيله )


الخطيب : عندي ليكو خبر حلو انا لقيت شقه


الحماة : الف مبروك يا حبيبي ( ياما جاب الغراب لامه )


الخطيب : حنروح نشوفها بكره ايه رايك يا حبيبتي


الخطيبة : وماله طبعا لازم نشوفها ( اكيد قد الحق وفي منطقه معفنه )


الخطيب : علي فكره يا حماتي


الحماة : ايه يا خطيب بنتي ( خطيب الشوم والندامه )


الخطيب : انا كنت عاوز اقابل عمي علشان كتب الكتاب

الحماة : وماله يابني بس مش لسه بدري ( جتك نيله مستعجل علي ايه )


الخطيب : ما هو خلاص يا حماتي احنا قربنا


الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )


الخطيب : طيب يا حماتي انا حامشي دلوقتي

الحماة : ماهو لسه بدري ( في ستين داهيه )


الخطيب : باي يا حبيبتي


الخطيبة : مع السلامه يا حبيبي ( البلد اللي تودي )


الخطيب : كلميني في التليفون


الخطيبة : اكيد يا حبيبي ( غور بقي )